Çfarë është pornografia?
Tek pornografia hyjnë tekstet, fotografitë, filmat ose interpretimet e tjera, të cilat shfaqin veprime seksuale. Këtu bëhet fjalë vetëm për aktet fizike seksuale. Aspektet e tjera të seksualitetit, si përshembull dashuria dhe afeksioni, nuk përfillen. Për këtë arsye, pornografia asnjëherë nuk është njësoj si seksi i vërtetë. Pornografia shërben për të kënaqur interesin e njerëzve për gjëra seksuale.
Lejohet pornografia në Gjermani?
Në Gjermani lejohet prodhimi, shikimi, posedimi, blerja, shitja e materialit pornografik legal, tregtia ose shpërndarja e tij diku tjetër, në formën e teksteve, inçizimeve tonike, fotografive, filmave dhe interpretimeve të tjera.
Pornografia legale
- Të gjithë personat duhet të marrin pjesë me vullnet të lirë.
- Të gjithë personat duhet të jenë dakort me publikimin.
- Të gjithë personat duhet të jenë të paktën 18 vjeç.
- Për prodhimin, shikimin, posedimi, blerjen, shitjen e materialit pornografik, tregtinë ose shpërndarjen e tij diku tjetër, duhet të jesh të paktën 18 vjeç. Është e ndaluar që t´iu tregosh apo t´iu japësh personave nën moshën 18 vjeç material pornografik.
Pornografia ilegale: Çfarë është e ndaluar?
Ka disa lloje pornografie, të cilat janë të ndaluara në Gjermani. Edhe tentativa e prodhimin, shikimit, posedimi, blerjes, shitjes së pornografisë së tillë, tregtisë ose shpërndarjes së saj diku tjetër, ndëshkohet.
Të ndaluara janë:
- Veprimet e dhunshme, si psh. përdhunimet
- Veprimet seksuale të njerëzve me kafshët
- Veprimet seksuale me fëmijët, pra me personat nën moshën 14 vjeç (shih edhe pornografinë me fëmijët) dhe/ose me adoleshentët deri në moshën 18 vjeç.
- Fotografitë e një fëmije/adoleshenti të zhveshur ose pjesërisht të zhveshur, ne një pozicion trupi, i cili thekson karakteristikat seksuale në mënyrë të panatyrshme.
- Fotografitë provokante seksuale të pjesës intime të trupit (vagina, prapanica dhe gjoksi tek vajzat ose prapanica dhe penisi tek djemtë) të një fëmije.